പ്രണയം

എന്റെ ഈ രാത്രി നിന്നിലെക്കൊഴുകി നിറയുകയാണ്
ഇതിനെയാണോ പ്രണയം എന്ന് പറയുന്നത്..
ഈ മഴ അത് എന്നെ കുളിരനിയിക്കാന്‍ വേണ്ടി മാത്രമാണ് പെയ്യുന്നതെന്ന് തോന്നുന്നു
ഈ കാറ്റ് അത് എന്റെ മുടിയിഴയില്‍ കു‌ടി മാത്രമാണോ വീശുന്നത്..
പ്രണയം ഇത്ര സുന്ദരമെന്നോ...
ഇതേ പ്രണയം തന്നെയല്ലേ
എന്നെ നിന്റെ ഓര്‍മകളുടെ ചൂടില്‍ എരിയിച്ചതും..
അതെ പ്രണയം ഒരു തുടി താളമായി എന്നില്‍ പെയ്തിറങ്ങുകയും ചെയ്യുന്നു.

പ്രണയത്തിന്റെ കുത്തൊഴുക്കില്‍ ഇങ്ങനെ
ഈ രാത്രിയില്‍ എങ്ങോട്ടെന്നറിയാതെ ചുമ്മാ ഒഴുകി നടക്കുവാനനെനിക്കിന്നും ഇഷ്ടം
എന്റെ പ്രണയം ഈ കുത്തൊഴുക്കിലും നിശബ്ദമാണ്...
ഒരായിരം ആര്‍പ്പുവിളികള്‍ എന്റെയുള്ളില്‍ മുഴങ്ങുന്നെങ്കിലും
എന്റെ പ്രണയം നിശബ്ദമാണ്.
കാരണം നിനക്ക് നിശബ്ധത അത്ര ഇഷ്ടമല്ലേ..

ഈ നക്ഷത്രങ്ങള്‍ എന്നോട് എന്തോ മന്ത്രിക്കുന്നുണ്ട്‌..
മേഘങ്ങള്‍ അവ മറയ്ക്കുവാന്‍ ശ്രമിക്കുകയാണ്.
അത് നിന്റെ പേര് ചൊല്ലി എന്നെ കളിയാക്കുന്നതായിരിക്കാം
പ്രണയം പ്രകൃതിയെ എത്ര സുന്ദരമാക്കിയിരിക്കുന്നു.
ഈ രാത്രിക്ക് എന്റെ പ്രണയം കുട്ടായി ഇല്ലെങ്കില്‍ അത് രാത്രി തന്നെയാകുമോ?
പ്രണയം അത് എന്റെ സുഖങ്ങളെ ദുഖങ്ങളിലും, ദുഖങ്ങളെ സുഖങ്ങളിലും ലയിപ്പിക്കുന്നു.
ഈ പ്രണയത്തെ പ്രണയത്തെ പ്രണയിക്കുവാന്‍ തുടങ്ങിയിരിക്കുകയാണ് ഞാന്‍...

പ്രണയം പ്രണയം പ്രണയം മാത്രം......